Betanzos. Poesía no comercio III edición

O próximo día 23, Día do Libro, bota a andar a terceira edición de Poesía no comercio.
Durante o mes de marzo o noso alumnado creou poemas que agora chegarán aos betanceiros e aos visitantes a través dos comercios que participan na campaña.
Grazas ao concello de Betanzos e aos comercios participantes por facer posible que esta actividade sexa visible.

O Vales fala. Rosalía de Castro

Nenas e nenos de 3º E recitan poemas de Rosalía:

O Vales fala. Magosto

Os máis pequenos do colexio, os de 4º de infantil, recitan para nós temas relacionados co outono:

4º A. Tres castañas polo chan	4º B. Outono bonito
4º C. Corre, corre cabaciña	4º D. Castañiña, castañiña

O Vales fala. O Outono

O alumnado de 2º B achéganos este poema sobre o outono, acompañado dunhas fermosas ilustracións:

(Preme na imaxe para escoitalos)

O Vales fala. Poema

Nenas e nenos de 1º E aprenderon este poema que fala do reparto das tarefas na casa, escoitémolos:

(Preme na imaxe para escoitalos)

O Vales fala. O río

Nenas e nenos de 5º A gravaron para nós a súa versión musicada do poema O río, do libro Os soños na gaiola de Manuel María:

(Preme na imaxe para escoitalos)

O Vales fala. Un poema, catro versións

O alumnado de 6º C comeza o curso con moita enerxía e ofrécenos agora estas versións dun poema:

O Vales fala. Poemas

1º C. A princesa	1º C. O emperador
1º C. O pirata	1º E. Verdedades

O Vales fala. Poesía

Hugo, de 5º E, e a súa familia interpretan o bonito poema que el creou para a campaña Poesía no comercio.

Poesía no comercio II

Hoxe, Día do Libro, comeza a segunda campaña Poesía no comercio, na que comerciantes de Betanzos agasallarán aos seus clientes con poemas creados polo noso alumnado.

O primeiro obxectivo desta actividade é o de gozar coa poesía, aprender e divertirse xogando coas palabras da nosa lingua. En segundo lugar, espallar o noso labor pola localidade.
Abrazando estes dous abxectivos está o de empregar e valorar a lingua galega, tesouro que nos enriquece a todos:

Non todo o mundo pode presumir de posuír dúas lenguas propias!!

Rosalía de Castro. Abre a fiestra

Co gallo da conmemoración do Día de Rosalía, no colexio investigamos sobre a autora, dialogamos sobre os temas sociais que trata na súa obra, escollemos aqueles poemas que máis nos gustan e "abrimos fiestras":

Celebrar o verso

O concello de Betanzos, grazas ao Servizo de Normalización Lingüística, ofreceunos o espectáculo de Antía Otero titulado Celebrar o verso, a través de Apiario.
O alumnado de 5º apreciou a poesía chea de sentimentos, grazas aos videopoemas emotivos que lles mostrou e á palabra da escritora.

Rosalía na voz da xente

O Vales fala. Poemas de Rosalía

1º B (1)

1º B (2)

4º C

Día de Rosalía

Un ano máis o concello de Betanzos e a asociación cultural Eira Vella organizaron o acto de homenaxe a Rosalía de Castro.
Esta foi a aportación do noso colexio: 

Vente rapaza. 3º	Has de cantar. 4º
Adiós ríos, adiós fontes. 4º	Nascín. 4º
Pra Habana. 4º	Fun un domingo. 4º

Negra sombra. 6º

Cantiga pola PAZ

Celso Emilio Ferreiro escribiu este poema que fala da paz e da solidariedade:

Camiñan ao meu rente moitos homes.
Non os coñezo. Sonme estranos.
Pero ti, que te alcontras alá lonxe,
máis alá dos desertos e dos lagos,
máis alá das sabanas e das illas,
coma un irmáu che falo.
Si é túa a miña noite,
si choran os meus ollos o teu pranto,
si os nosos berros son igoales,
coma un irmau che falo.
Anque as nosas palabras sean distintas,
e ti negro i eu branco,
si temos semellantes as feridas,
coma un irmau che falo.
Por enriba de tódalas fronteiras,
por enriba de muros e valados,
si os nosos soños son igoales,
coma un irmau che falo.
Común temos a patria,
común a loita, ambos.
A miña mau che dou,
coma un irmau che falo. 

             Celso Emilio Ferreiro. Longa noite de pedra

Escoitemos o poema musicado na versión de Fuxan os Ventos:



Así o cantan Mini e Mero:

Cadea de poemas

A Caixa dos poemas continúa a súa estadía en terceiro, de 3º E pasou a 3º A:

A onde irá agora?

O Vales fala. Cantamos a Rosalía

O alumnado de terceiro E canta un fragmento do poema Adiós ríos, adiós fontes de Rosalía:

A Caixa dos poemas percorre terceiro

Poemas en terceiro on PhotoPeach

Creamos poemas

Os nenos e nenas de 3º A ofrécennos os poemas que crearon: