Nós galegaremos nas tabernas

Nós galegaremos nas tabernas bota a andar.

Nós galegaremos nas tabernas é unha campaña de dinamización lingüística no ámbito da hostalaría que pretende pór en valor o uso da lingua galega e destacar a necesidade do seu uso para que o galego teña un futuro en Betanzos.
O alumnado do noso colexio elaborou ao longo do mes de maio distintos lemas que poñen en valor o uso da nosa lingua e que se plasmaron en portarecibos que entregarán aos clientes os bares, cafeterías e restaurantes da localidade que participan nesta campaña.

Esta actividade non sería posible sen a colaboración do concello de Betanzos e os locais de hostalaría, aos que damos as grazas.

A ARTESA DA MOZA CRECHA 

BAR CAFETERÍA EL CAPRICHO 

CAFÉ BAR EUROPA 

CAFÉ BAR LA TORRE

CAFETERÍA MILLENIUM

CAFETERÍA LANZÓS

CERVECERÍA AS GALERAS

CERVECERÍA LA NUEVA INTERNACIONAL

CERVECERÍA VÁZQUEZ

EL HISTÓRICO

O CURRUNCHO

ONZE

RESTAURANTE CASANOVA 

CAFETERÍA MG
RESTAURANTE VEGA

Palabras que non queremos perder

Ao investigar sobre Antón Fraguas descubrimos que cos seus traballos contribuíu a defender o idioma galego como lingua de expresión para calquera coñecemento e que dedicou a súa vida a recuperar e difundir os tesouros que herdamos dos nosos antepasados: a lingua e a cultura popular.
El, xunto a outros grandes galeguistas, fixo posible que o galego non desaparecera.
Nós queremos contribuir coa nosa humilde aportación e rematamos o curso pensando no futuro:

Enterramos no patio do colexio unha "cápsula do tempo" na que colocamos as palabras que non queremos que se perdan nunca.
As árbores tamén forman parte da nosa cultura e da nosa vida, así que acompañando á cápsula prantamos loureiros, carballos e castiñeiros. 

Oxalá os nenos e as nenas do futuro que as descubran comproben que seguen ben vivas e vixentes!! 

O Vales fala. Refráns

Nenas e nenos de 3º E comparten con todos nós estes refráns:

Feliz ano

O día 25 de novembro o xornal La Voz de Galicia publicaba esta viñeta de Xaquín Marín. 
Con ela queremos desexarvos unhas boas festas e feliz ano 2019.

Remata o ano 2017

Para despedir o ano 2017 e darlle un repaso ao que foi para cada un de nós deixámosvos co calendario que a Área de Normalización Lingüística da Universidade de Vigo publicou coas xeniales viñetas de Luis Dávila, humorista gráfico que nos ofrece toda unha reflexión en clave de humor en cada un dos seus traballos:

Preme na imaxe para ver o calendario completo