Esperamos que disfrutedes con todos os traballos e propostas do curso.

venres, 21 de xuño de 2019

Nós galegaremos nas tabernas

Nós galegaremos nas tabernas bota a andar.

Nós galegaremos nas tabernas é unha campaña de dinamización lingüística no ámbito da hostalaría que pretende pór en valor o uso da lingua galega e destacar a necesidade do seu uso para que o galego teña un futuro en Betanzos.
O alumnado do noso colexio elaborou ao longo do mes de maio distintos lemas que poñen en valor o uso da nosa lingua e que se plasmaron en portarecibos que entregarán aos clientes os bares, cafeterías e restaurantes da localidade que participan nesta campaña.
Esta actividade non sería posible sen a colaboración do concello de Betanzos e os locais de hostalaría, aos que damos as grazas.


A ARTESA DA MOZA CRECHA 
BAR CAFETERÍA EL CAPRICHO 
CAFÉ BAR EUROPA 
CAFÉ BAR LA TORRE
CAFETERÍA MILLENIUM
CAFETERÍA LANZÓS
CERVECERÍA AS GALERAS
CERVECERÍA LA NUEVA INTERNACIONAL
CERVECERÍA VÁZQUEZ
EL HISTÓRICO
O CURRUNCHO
ONZE
RESTAURANTE CASANOVA 
CAFETERÍA MG
RESTAURANTE VEGA

luns, 17 de xuño de 2019

Palabras que non queremos perder

Ao investigar sobre Antón Fraguas descubrimos que cos seus traballos contribuíu a defender o idioma galego como lingua de expresión para calquera coñecemento e que dedicou a súa vida a recuperar e difundir os tesouros que herdamos dos nosos antepasados: a lingua e a cultura popular.
El, xunto a outros grandes galeguistas, fixo posible que o galego non desaparecera.
Nós queremos contribuir coa nosa humilde aportación e rematamos o curso pensando no futuro:
Enterramos no patio do colexio unha "cápsula do tempo" na que colocamos as palabras que non queremos que se perdan nunca.
As árbores tamén forman parte da nosa cultura e da nosa vida, así que acompañando á cápsula prantamos loureiros, carballos e castiñeiros. 




Oxalá os nenos e as nenas do futuro que as descubran comproben que seguen ben vivas e vixentes!! 

venres, 7 de xuño de 2019

Letras galegas 2019

O alumnado de terceiro móstranos os murais que realizaron despois de coñecer a Antón Fraguas:




domingo, 2 de xuño de 2019

O Vales fala. Letras galegas 2019

O grupo Xandobela achegounos á figura de Antón Fraguas a través de xogos.
Así nolo conta o alumnado de 2º B: 

(Preme na imaxe para escoitalos)

 

luns, 27 de maio de 2019

Letras Galegas 2019

Para festexar o día das nosas letras, ademáis de coñecer nas clases a figura de Antón Fraguas, tivemos a sorte de contar coas actuacións da Escola Municipal de Folclore e cos nenos e nenas das danzas gremiais dos mariñeiros e dos labradores de Betanzos.


venres, 17 de maio de 2019

O Vales fala. Letras Galegas

Antón Fraguas traballou ao longo da súa vida para recuperar e difundir os tesouros que herdamos dos nosos antepasados: a lingua e a cultura popular.
Alumnado de 1º ofrécenos unha mostra:


1º E

1º C

domingo, 5 de maio de 2019

Roteiro polo xardín de infantil

O alumnado de 2º A comparte con nós o roteiro que fixo polo xardín do edificio de infantil:

xoves, 2 de maio de 2019

Raquel Queizás e Antón Fraguas

O alumnado de primeiro tivo a sorte de escoitar a Raquel Queizás na nosa biblio. Contoulles historias de  cando Antón Fraguas (Letras Galegas 2019) era neno. Pasárono xenial.

venres, 26 de abril de 2019

Gañadores/as do X Concurso de carteis das Letras Galegas

Ao concurso presentáronse 75 carteis de alumnos e alumnas do CPR Nosa Señora do Carme "Atocha", do CEIP Francisco Vales Villamarín e do Centro Pai Menni.

Estes son os carteis gañadores:



1º premio. Claudia Villares Barros. 4º E. CEIP Francisco Vales Villamarín
Accésit. Simón Porto Casal e Sofía Veiga Casanova. 4º  B. CEIP Francisco Vales Villamarín
Accésit. Paula Blanco Garea e Juana Barreiro Sánchez. 4º C. CEIP Francisco Vales Villamarín
Accésit. Susana Barca Rama. Centro Pai Menni
Parabéns a todas e todos!

xoves, 11 de abril de 2019

Carreira solidaria 2019

Hoxe tivo lugar a "Carreira Solidaria Corre por Betanzos" organizada polo equipo de Educación Física do noso colexio. Así nola conta o alumnado de 2º B:

(Preme na imaxe se queres escoitalos)